Námskeið fyrir öryggisverði

Vinnueftirlitið mun halda tveggja daga námskeið í september fyrir öryggisverði og öryggistrúnaðarmenn. Þar er farið yfir alla helstu málaflokka í vinnuumhverfi starfsmanna svo sem hávaða, lýsingu og loftræstingu innanhúss, líkamlega áhættuþætti og félagslega, heilsuvernd á vinnustað og slysavarnir. Námskeiðsgjald er 19.000. kr. og greiðist af atvinnurekanda. Skráning fer fram í síma 550 4600 en einnig má senda skráningar á netfangið thoram@ver.is.