Fréttir

Skýjað með köflum en styttir svo upp

Í dag heldur áfram að rigna og er spáð suðlægri átt víðs vegar um landið en það ætti að hanga þurrt á austanverðu landinu fram á kvöld. Á morgun bætir svo í vindinn en síðdegis beinist til landsins þurrara loft og einhverjar glufur fara að sjást í skýjahuluna eftir hádegi. 

Veður

Skildu skrið­drekana eftir á víg­línunni

„Sigurinn verður, og hefur alltaf verið, okkar,“ sagði Vladimír Pútín Rússlandsforseti er hann flutti ræðu á Rauða torginu í Moskvu þar sem hersveitir höfðu stillt sér upp að tilefni Sigurdagsins svokallaða. Hersýningin var með breyttu sniði í ár, nánar til tekið smærri, þar sem flest þungavopn Rússa eru á víglínunni í Úkraínu um þessar mundir.

Erlent

Loft­á­rásir skekja vopna­hlé í Líbanon

Þrátt fyrir að vopnahlé eigi að gilda halda átök áfram milli Ísraels og Hezbolla í Líbanon. Hið minnsta sjö féllu í loftárás Ísraels í Saksakiyeh í dag. Á meðan bíða Bandaríkjamenn eftir því að Íranir bregðist við friðartillögum sínum.

Erlent

„Varð að mar­tröð“

Dóra Björt Guðjónsdóttir borgarfulltrúi segir tölvupóstasamskipti milli sín og annarra ráðamanna í Reykjavíkurborg staðfesta það að hún hafi aldrei verið hlynnt „Græna gímaldinu“ sem risið hefur við Álfabakka. Hún segir framkvæmdina hafa breyst í „martröð.“

Innlent

Yfir­maður WHO hug­hreystir Tenerife-búa

Yfirmaður Alþjóðaheilbrigðismálastofnunarinnar fullvissaði íbúa Tenerife um að hættan sem stafaði af skemmtiferðaskipinu MV Hondius sem leggur að landi þar á morgun eftir að hantaveira dró þar þrjá til bana, væri lítil og að enginn um borð sýndi einkenni.

Erlent

Hrósar olíu­fé­lögunum fyrir við­brögð sín

Fjármálaráðherra segist ánægður með hvernig olíufélögin hafa brugðist við tímabundinni heimild í lögum um lækkun virðisaukaskatts á eldsneyti. Viðbrögð þeirra bendi til að félögin séu meðvituð um sína ábyrgð.

Innlent

Banda­rískur elli­líf­eyris­þegi býður veg­far­endum tugi milljóna

Bandarískur ellilífeyrisþegi á níræðisaldri hefur undanfarna daga gengið um Nuuk, höfuðborg Grænlands, og boðið vegfarendum 25 milljónum króna fyrir að greiða atkvæði með því að ganga inn í Bandaríkin, kæmi til slíkrar atkvæðagreiðslu. Hann rekur þetta erindi sitt sjálfur og bandaríska sendiráðið kannast ekkert við hann.

Erlent

Labbaði 57 kíló­metra heim úr vinnunni: „Af hverju bý ég ekki nær“

Halldór Áskell Stefánsson gerði sér lítið fyrir og labbaði heim úr vinnunni í gær. Það væri líklega ekki í frásögur færandi nema vegna þess að Halldór vinnur í Reykjavík en býr á Selfossi. Ferðalagið tók rúmar þrettán klukkustundir, reyndist mikil áskorun og á tímabili þurfti hann að minna sig á að setja annan fótinn fram fyrir hinn.

Innlent

„Þetta er náttúru­lega al­gjör­lega fá­rán­legt“

Oddviti Samfylkingarinnar í Reykjavík segir kreditkortafærslur borgarstjóra með korti borgarinnar alvarlegt mál en að hans mati hefur borgarstjóri gefið nægilegar skýringar á færslunum og svarað vel fyrir sig. Hann segir kenningar um að einhver innan Samfylkingarinnar reyni að ná höggi á Heiðu fáránlegar.

Innlent

Myndir af lífinu um borð í hantaveiruskipinu

Myndir hafa verið birtar af hvunndeginum um borð í skemmtiferðaskipinu MV Hondius. Sex tilfelli hantaveiru hafa verið staðfest og þrír hafa látist af völdum veirunnar um borð í skipinu eftir að það lagði úr höfn í Argentínu í apríl.

Erlent

Farage sextánfaldar sætin á sveitarstjórnarstiginu

Niðurstöður sveitastjórnarkosninga sem fóru fram víða um Bretland fyrir helgi komu fáum á óvart þó þær séu til marks um grundvallarbreytingar í breskum stjórnmálum. Umbótaflokkur Nigels Farage bætti rúmlega sextánfalt við sig en stólparnir tveir í breskum stjórnmálum til rúmlega hundrað ára guldu afhroð.

Erlent

Flugi af­lýst vegna áhafnarskorts í annað sinn í vikunni

Flugi Icelandair til Seattle var aflýst í gærkvöldi með skömmum fyrirvara vegna þess að ekki tókst að manna áhöfn. Upplýsingafulltrúi Icelandair segist ekki vita af verkfallsaðgerðum en þetta er í annað sinn í vikunni sem flugi er skyndilega aflýst vegna mönnunar.

Innlent

Maðurinn hand­tekinn og fluttur til Reykja­víkur í nótt

Lögreglan í Vestmannaeyjum naut í gær aðstoðar sérsveitar ríkislögreglustjóra við handtöku manns sem var vopnaður eggvopni. Hann var fluttur með þyrlu á meginlandið um klukkan eitt í nótt en staðarmiðlar í Eyjum herma að hann glími við andleg veikindi.

Innlent

„Sá gamli er miklu fal­legri“

Lillý Valgerður Pétursdóttir fréttamaður Sýnar brá sér austur á dögunum til að taka púlsinn á íbúum varðandi komandi sveitarstjórnarkosningar. Hún komst að ýmsu merkilegu – samgöngumálin voru vitaskuld efst á baugi – en í Fljótsdal rakst hún á kjörgrip sem nú, samkvæmt tilskipan yfirkjörstjórnar, hefur lokið leik. Aldargamall kjörkassi.

Innlent

Bjó sér til vopn með því að setja steinhellu í sokk

Óskað var eftir aðstoð lögreglu í nótt á skemmtistað í Reykjavík en þar voru dyraverðir búnir að taka til hliðar einstakling sem hafði verið í slagsmálum inni á staðnum. Lögregla sinnti einnig útkalli vegna líkamsárásar jafnframt því sem hún aðstoðaði starfsfólk bráðamóttökunnar vegna ölvaðs manns sem neitaði að fara.

Innlent

Spáir mildu á­fram en út­lit fyrir rigningu

Búast má við rigningu í dag á Suður- og Vesturlandi en bjartviðri norðaustan- og austanlands. Hiti nær ekki tíu stigum og verður á bilinu 3 til 8 stig en veðurfræðingur spáir næturfrosti norðaustantil. Hægur vindur verður víðast hvar á landinu en á morgun leggst svo þoka yfir suðvestanvert landið með tilheyrandi rigningu og súld.

Veður

Venstre fá um­boð til að mynda ríkis­stjórn

Danakonungur hefur falið Troels Lund Poulsen, formanni hægriflokksins Venstre, stjórnarmyndunarumboð í kjölfar þess að Mette Frederikssen, formaður Sósíaldemókrata, skilaði umboðinu eftir að ekki tókst að mynda stjórn.

Erlent

Sérsveitaraðgerð í Vest­manna­eyjum

Sérsveit ríkislögreglustjóra aðstoðaði lögregluna í Vestmannaeyjum við aðgerð við íbúðarhúsnæði við Fífilgötu á föstudagskvöld. Aðgerðin stóð enn yfir skömmu fyrir miðnætti.

Innlent

Drógu afl­vana fiski­bát í land

Fyrr í dag var áhöfnin á björgunarskipinu Björgu á Rifi kölluð út vegna fiskibáts sem var orðinn aflvana í miðjum Breiðafirði, um 15 sjómílur norður af Rifi.

Innlent

„Bein­línis gengið í skrokk á fólki“

Matvælastofnun hefur ákveðið að kæra viðskiptavin vegna ógnandi hegðunar. Forstjórinn segir of algengt að starfsfólk verði fyrir hótunum í málum sem tengjast dýravelferð og að ákveðið hafi verið að leita til lögreglu til að tryggja betur öryggi þess. Dæmi séu um að ráðist hafi verið á starfsfólk með barefli.

Innlent

Mest lesið