Viðskipti innlent

Fréttamynd

Bræður selja Vagna og þjónustu eftir 40 ára rekstur

Kristmundur Árnason, Guðmundur Björnsson og Snorri Arnar Viðarsson hafa keypt rekstur Vagna og Þjónustu ehf. Fyrirtækið hefur verið rekið af bræðrunum Gesti Braga Magnússyni og Birni Rúnari Magnússyni í um 40 ár. Davíð Örn Ólafsson hefur verið ráðinn framkvæmdastjóri félagsins.

Viðskipti innlent

Fréttir í tímaröð

Fréttamynd

Stjórn vill greiða fimm­tán milljarða í arð

Stjórn Arion banka mun leggja það til á aðalfundi í mars að greiddur verði út arður sem nemur 11,5 krónum á hlut, sem samsvarar um 15 milljarða arðgreiðslu. Hagnaður sem tilheyrir hluthöfum Arion banka var 30,6 milljarðar króna á árinu 2025, samanborið við 26,1 milljarð króna árið 2024.

Viðskipti innlent
Fréttamynd

Kvika skráði ekki tugi þúsunda við­skipta og fær tug­milljóna sekt

Kvika banki hefur gengist undir sátt við Fjármálaeftirlit Seðlabanka Íslands vegna brota bankans á ákvæðum reglugerðar um markaði fyrir fjármálagerninga, MiFIR. Bankinn lét undir höfuð leggjast að skila svokallaðri TSR II-skýrslu vegna 73.792 viðskipta á tímabilinu 14. desember 2022 til 7. febrúar 2024 og þarf að borga tuttugu milljóna króna sekt vegna þess.

Viðskipti innlent
Fréttamynd

„Ég held bara að við sem þjóð séum ekki til­búin í þetta“

Sérfræðingar segjast velta því fyrir sér hvort 2,5 prósenta verðbólgumarkmið íslenskra stjórnvalda sé annað en óskhyggja miðað við aðgerðir þeirra og aðstæður í íslensku efnahagslífi. Markmiðinu hafi einungis einu sinni verið náð og spurning hvort Íslendingar þurfi að fara að endurskilgreina markmiðið. Þeir benda á að meðal þess sem hægt væri að gera til að bregðast við verðbólgunni væri að lækka skatta á matvæli.

Viðskipti innlent
Fréttamynd

Fé­lag Skorra Rafns að kaupa Val­höll

Alva fasteignir, félag Skorra Rafns Rafnssonar, er langt komið með að ná samningum við Sjálfstæðisflokkinn um kaup á Valhöll. Enn á þó eftir að ganga frá lausum endum á borð við undirritun kaupsamnings. Skipulagsfulltrúi hefur tekið jákvætt í fyrirspurn Alva fasteigna um hótelrekstur í húsinu.

Viðskipti innlent
Fréttamynd

„Full­yrðingar á­kæru­valdsins eru á sandi byggðar“

Þórarinn Arnar Sævarsson, einn eigenda fasteignasölunnar Remax, sem sætir ákæru fyrir markaðsmisnotkun telur fullyrðingar ákæruvaldsins um sekt hans á sandi byggðar. Í greinargerð hans kemur meðal annars fram að viðskipti hans með bréf í Kviku hafi numið 0,14 prósentum af heildarviðskiptum á ákærutímabilinu, þróun gengis félagsins hafi verið í takt við þróun gengis Arion banka á tímabilinu og hann hafi ekki reynt að hafa áhrif á dagslokagengi Kviku. Viðskipti hans með bréf í félaginu hafi aldrei hækkað gengið um meira en 1,5 prósent, sem er langt undir öllum viðmiðunarmörkum.

Viðskipti innlent
Fréttamynd

Icelandair tapaði 1,2 milljörðum árið 2025

Icelandair tapaði 1,2 milljörðum króna árið 2025 eftir skatta. Um er að ræða samdrátt frá fyrra ári þegar tap nam 2,8 milljörðum króna. Stjórnendur segja tekjur félagsins aldrei hafa verið hærri og þær aukist um 11 prósent milli ára í 223,6 milljarða.

Viðskipti innlent
Fréttamynd

Þing­maður vænir Guð­mund í Brim um að arð­ræna Græn­lendinga

Þingmaður eina stjórnarandstöðuflokks Grænlands hefur þungar áhyggjur af umsvifum Guðmundar Kristjánssonar, iðulega kennds við Brim, í grænlenskum sjávarútvegi. Í óundirbúnum fyrirspurnum á þingi Grænlendinga í dag spurði hann hvort grænlenska þjóðin yrði af fé vegna innherjaviðskipta til Íslands og hvort Arctic Prime-samsteypan sem Guðmundur er stór eigandi í sé í raun leppur sem gætir hagsmuna Íslendinga.

Viðskipti innlent
Fréttamynd

Lovísa til Orku­veitunnar

Lovísa Árnadóttir hefur verið ráðin í starf samskiptastýru Rannsókna og nýsköpunar hjá Orkuveitunni. Þetta kemur fram í tilkynningu frá Orkuveitu Reykjavíkur. Lovísa hefur þegar hafið störf.

Viðskipti innlent
Fréttamynd

„Skýrar og síendur­teknar hótanir í garð verkalýðs­hreyfingarinnar“

Vilhjálmur Birgisson er ekki ánægður með skilaboð Seðlabanka Íslands til launafólks en seðlabankastjóri og varaseðlabankastjóri sögðu í morgun að bankinn myndi ekki hika við að hækka stýrivexti ef laun hækka. Sérstaklega var minnst á brugðist yrði við ef forsenduákvæði kjarasamninga yrði beitt í september. Það mælir fyrir um að rifta megi samningum ef verðbólga mælist yfir fimm prósentum í ágúst. „Ef forsendur kjarasamninga standast ekki í september þá ber að segja þeim upp,“ segir Vilhjálmur.

Viðskipti innlent
Fréttamynd

Allt að tíu milljarðar renna í Brunn III

Stofnaður hefur verið 7,2 milljarða króna vísisjóður, Brunnur III, með þátttöku ellefu íslenskra lífeyrissjóða, Nýsköpunarsjóðsins Kríu og Silfurbergs ehf. Sjóðurinn hefur lokið áskriftarsöfnun en hefur heimild til stækkunar upp í tíu milljarða króna með þátttöku fagfjárfesta fyrir lok febrúar.

Viðskipti innlent
Fréttamynd

Yfir átta­tíu starfs­mönnum við fisk­eldi sagt upp sem þó fá á­fram boð um vinnu

Alls var 84 starfsmönnum sagt upp í tveimur hópuppsögnum sem tilkynnt var um til Vinnumálastofnunar í janúar. Hópuppsagnirnar voru báðar tengdar starfsemi á sviði fiskeldis og gert ráð fyrir að öllum verði boðið starf að nýju. Í síðustu viku bárust fréttir af því að fiskeldisfyrirtækin Arnarlax og Arctic fish á Vestfjörðum ætli að ráðast í breytingar á kjörum starfsfólks í sjódeildum fyrirtækjanna.

Viðskipti innlent
Fréttamynd

Anna Lísa til Aton

Anna Lísa Björnsdóttir, fyrrverandi samskiptastjóri Vinstri grænna og aðstoðarmaður ríkisstjórnar Bjarna Benediktssonar, hefur hafið störf sem ráðgjafi hjá strategísku samskipta- og hönnunarstofunni Aton. Þetta kemur fram í tilkynningu frá Aton.

Viðskipti innlent
Fréttamynd

Seðla­bankinn ó­sam­mála Daða Má

Í nýju riti Peningamála Seðlabanka Íslands segir að nýlegt verðbólguskot sé fyrst og fremst að rekja til hækkunar á opinberum gjöldum og þjónustu um áramót. Fjármála- og efnahagsráðherra hefur aftur á móti vísað slíku á bug og sagt verðbólguaukningu tilkomna vegna álagningar annarra en ríkisins.

Viðskipti innlent