Varafréttastjóri

Árni Sæberg

Árni er varafréttastjóri á fréttastofu Sýnar.

Nýjustu greinar eftir höfund

Þau vilja stýra Fjöl­miðla­nefnd

Fimmtán hafa sótt um starf framkvæmdastjóra Fjölmiðlanefndar og einn dregið umsókn sína til baka. Meðal umsækjenda eru fjórir hlaðvarpsstjórnendur sem bölsótast hafa opinberlega út í nefndina og kröfur hennar um skráningu hlaðvarpa sem fjölmiðla. Ætla má að umsóknir þeirra séu lagðar fram í hálfkæringi.

Þrír ung­lingar á breyttu hjóli en VÍS ber samt á­byrgð

Landsréttur hefur viðurkennt bótaskyldu VÍS vegna tjóns tveggja ungra kvenna og ungs karlmanns. Þau lentu í slysi árið 2021 þegar þau voru 13 og 14 ára og pilturinn ók breyttu léttu bifhjóli með stúlkurnar aftan á. Vátryggingafélagið vildi meina að létta bifhjólið hefði orðið skráningar- og vátryggingaskylt eftir að því var breytt þannig að það kæmist umtalsvert hraðar en óbreytt létt bifhjól og bótaskylda væri því ekki fyrir hendi.

Einn fékk fimm ár, annar á­tján mánuði en þriðji sýknaður

Kareem M. M. Abufarhah hefur verið dæmdur til fimm ára fangelsisvistar fyrir tilraun til manndráps í bílakjallara undir Höfðatorgi í mars síðastliðnum. Mohamed Sayidali Ahmed var dæmdur til 18 mánaða fangelsisvistar fyrir stórfellda líkamsárás en þriðji maðurinn sem var ákærður, Qossay Ali Yahya Alsadi, var sýknaður.

Kannast ekkert við brot og munu að­stoða við rann­sókn

Stjórnendur Beru segjast engar upplýsingar hafa um að brot á samkeppnislögum hafi átt sér stað í starfsemi félagsins. Rík áhersla sé lögð á fylgni við samkeppnisreglur í rekstri þess og það sé hluti af þjálfun starfsfólks Ölgerðarinnar að fá fræðslu um það hvernig stór aðili á markaði þurfi að haga sér í samkeppni.

Friðarsúlan hefur kostað rúmar hundrað milljónir króna

Friðarsúlan, listaverk Yoko Ono í Viðey, verður tendruð í tuttugasta sinn klukkan 20 í kvöld. Frá því að fyrst var kveikt á verkinu árið 2007 hefur það kostað Listasafn Reykjavíkur rúmlega 96 milljónir króna. Þar er tekið tillit til fjórtán milljóna króna styrks sem listamaðurinn sjálfur, Reykjavíkurborg og Orkuveitan veittu vegna endurnýjunar búnaðar. Kostnaður hleypur því á um 110 milljónum króna.

Margrét Löf í sex­tán ára fangelsi en heldur föðurarfinum

Landsréttur hefur staðfest dóm héraðsdóms um sextán ára fangelsisvist Margrétar Höllu Hansdóttur Löf, sem hún hlaut fyrir að ráða föður sínum bana á heimili þeirra við Súlunes á Arnarnesinu í Garðabæ í apríl í fyrra og að ráðast á móður sína. Kröfu hálfbróður hennar um að hún yrði gerð arflaus var vísað frá dómi.

Veitinga­maður sektaður um tvö hundruð milljónir

Stefán Magnússon veitingamaður hefur verið dæmdur til 15 mánaða fangelsisvistar og greiðslu 200,7 milljóna króna sektar í Landsrétti, fyrir að hafa svikið undan skatti á árunum 2020 til 2023 þegar hann var framkvæmdastjóri og stjórnarmaður tveggja félaga, annars vegar Steikar ehf. og hins vegar Gourmet ehf. Félögin ráku veitingastaðina Reykjavík Meat og Sjáland, sem báðum hefur verið lokað.

Kjaravaktin: Sam­komu­lag í höfn á elleftu stundu

Samkomulag náðist á milli VR, Fagfélaganna og LÍV annars vegar og Samtaka atvinnulífsins hins vegar um að kjarasamningar héldu rétt fyrir klukkan fjögur í dag eða í þann mund sem frestur til að segja þeim upp vegna forsendubrests rann út. Vísir fylgist með þróun mála í fréttavakt.

Á­reitti tíu ára stúlku í­trekað í fjóra daga

Karlmaður hefur verið ákærður fyrir kynferðislega áreitni í garð tíu ára stúlku, með því að senda henni ítrekað kynferðislegar myndir af sér og biðja stúlkuna um að senda myndir og myndbönd af líkama og kynfærum sínum.

Tug­milljóna gjald­þrot fé­lags fíkniefnasmyglara

Ekkert fékkst upp í kröfur í þrotabú félagsins Heklarar ehf, sem námu tæplega 27 milljónum króna. Félagið rataði í fréttir í desember í fyrra þegar fjallað var um smygl á 5,6 kílóum á kókaíni. Í janúar var eigandi félagsins dæmdur í 3,5 ára fangelsi fyrir smyglið ásamt kærasta sínum og þriðja manni. Fyrir dómi sagði kærastinn að kærasta sín hefði í raun verið leppur fyrir hann.

Sjá meira

Mest lesið