Sport

Haaland mætir ekki í við­tal eftir tíðindi dagsins

Stefán Árni Pálsson skrifar
Erling Haaland skoraði tvívegis gegn Dönum í gærkvöldi.
Erling Haaland skoraði tvívegis gegn Dönum í gærkvöldi. Vísir/Ulrik Pedersen/NurPhoto via Getty Images

Norska landsliðið hefur breytt fyrirkomulagi blaðamannafundar með Erling Haaland eftir að greint var frá því í dag að Manchester City yrði gerð sekt um 114 brot á fjárhagsreglum ensku úrvalsdeildarinnar.

Haaland átti upphaflega að mæta fjölmiðlum á morgun fyrir Þjóðadeildarleik Noregs gegn Portúgal. Norska knattspyrnusambandið tilkynnti hins vegar seint á föstudagskvöld að breytingar yrðu gerðar á dagskránni. Aftonbladet greinir frá.

Í stað Haaland munu landsliðsþjálfarinn Ståle Solbakken, Fredrik Aursnes og Andreas Schjelderup mæta á blaðamannafundinn.

Breytingin kom aðeins nokkrum klukkustundum eftir að niðurstaðan í umfangsmiklu máli Manchester City gegn úrvalsdeildinni varð ljós.

Norska liðið hefur ekki gefið upp ástæðu fyrir því að Haaland var tekinn út af blaðamannafundinum.

Enski boltinn Manchester City Fjármál Manchester City til rannsóknar

Mest lesið


Fleiri fréttir

Sjá meira


×

Mest lesið