Magnaður Malen og Inter kom til baka

Ekki fór það vel af stað hjá Inter í kvöld þar sem liðið var lent 2-0 undir eftir rúman stundarfjórðung vegna marka James Abankwah og Jurgen Ekkelenkamp fyrir Udinese.

Carlos Augusto minnkaði muninn á 26. mínútu og Niccolo Barella jafnaði eftir stoðsendingu Marcusar Thuram á 35. mínútu.

Staðan var 2-2 í hléi en Thuram skoraði sjálfur á 57. mínútu þriðja mark Inter og það fjórða setti ungi framherjinn Francesco Pio Esposito tíu mínútum síðar.

Þriðji framherjinn skoraði fyrir Inter á 79. mínútu en þar var á ferðinni Fílbeinstrendingurinn Ange-Yoan Bonny. Senegalski framherjinn Idrissa Gueye kom inn marki fyrir gestina í uppbótartíma og þar við sat.

Inter vann 5-3 og er áfram með fullt hús stiga eftir fjóra leiki.

Magnaður Malen

Fyrr í kvöld vann Roma góðan 2-0 útisigur á Torino. Ótrúlegt gengi Donyell Malen heldur áfram en hann skoraði fyrra mark Roma í leiknum, hans sjötta í fjórum deildarleikjum á leiktíðinni.

Hann hefur alls skorað 20 mörk í 22 deildarleikjum fyrir liðið eftir að hafa komið frá Aston Villa í janúar.

Ungi miðjumaðurinn Niccolo Pisilli skoraði síðara mark Roma í leiknum.

Roma er með fullt hús á toppi deildarinnar líkt og Inter en liðin mætast í toppslag um komandi helgi.

Mörk frá Jacobo Ramón og Kaiki tryggðu Como þá 2-1 sigur á Parma en Como er jafnt Lazio með 10 stig eftir fjóra leiki, tveimur frá toppliðunum tveimur.