Dag­bjartur í góðum málum á úrtökumóti DP World Tour

Dagbjartur hefur verið spila frábært golf og sýnt mikinn stöðugleika á mótinu sem fer fram í Þýskalandi þessa dagana. 

Eftir þrjá hringi af fjórum er hann jafn í tíunda sæti mótsins á sex höggum undir pari og lék þriðja hring dagsins á tveimur höggum undir pari. 

Alla þrjá hringina hefur hann farið á undir pari vallarins og er af þeim átta Íslendingum sem taka þátt á mótinu í bestu stöðunni. 

Um úrtökumóti á fyrsta stigi fyrir Evrópumótaröðina er að ræða. Mótið er eitt af tíu mótum á fyrsta stigi úrtökumótanna en kylfingar þurfa að komast í gegnum þrjú stig til þess að fá þátttökurétt á DP World Tour og óhætt að segja að þræða þurfi nálaraugað til að komast alla leið.

Alls hófu 82 kylfingar leik á mótinu í Þýskalandi og má ætla að rúmlega fimmtungur þeirra fari áfram á annað stig.

Næstur í röðum Íslendinga á eftir Dagbjarti er Ragnar Garðarsson á alls þremur höggum undir pari, jafn í fimmtánda sæti mótsins. 

Sigurður Arnar Garðarsson fylgir honum fast á hæla á tveimur höggum undir pari, jafn í átjánda sæti og Aron Snær Júlíusson er svo á einu höggi undir pari, jafn í 21. sæti. 

Aðrir íslenskir kylfingar eru töluvert á eftir hinum.