Innlent

Pall­borðið: Satt, logið og um­deildar aug­lýsingar

Oddur Ævar Gunnarsson skrifar
Pallborðið hefst klukkan 14 og verður hægt að horfa á það í beinni útsendingu í þessari frétt.
Pallborðið hefst klukkan 14 og verður hægt að horfa á það í beinni útsendingu í þessari frétt. Vísir

Farið verður yfir samsæriskenningar og fleiri fullyrðingar sem tæplega standast skoðun í aðdraganda þjóðaratkvæðagreiðslunnar á laugardag í Pallborði dagsins. Auk þess verður kosningabaráttan hingað til gerð upp af álitsgjöfum.

Stjórnmálafræðingarnir og þáttastjórnendur Skuggavaldsins þau Eiríkur Bergmann og Hulda Þórisdóttir mæta í fyrri hluta þáttarins og ræða upplýsingaóreiðu, samsæriskenningar og fullyrðingar í baráttunni sem tæplega standast skoðun. 

Í síðari hluta munu Þórhildur Þorkelsdóttir framkvæmdastjóri, Þórarinn Hjartarson hlaðvarpsstjórnandi og Lilja Katrín Gunnarsdóttir útvarpskona rýna í kosningabaráttuna frá ólíkum sjónarhornum, ræða umtalaðar auglýsingar og andlega líðan þjóðar. 

Hægt er að horfa á þáttinn í beinni hér fyrir neðan sem og á sjónvarpsrás Vísis, hann hefst klukkan 14:00. Þegar þætti lýkur verður hægt að nálgast hann í heild sinni hér og í sjónvarpsappi Sýnar.

Pallborðið Þjóðar­at­kvæða­greiðsla um ESB-viðræður

Tengdar fréttir

Fyrstu viðbrögð við tölum úr nýjustu könnun Maskínu

Í nýjustu könnun Maskínu í aðdraganda þjóðaratkvæðagreiðslu um framhald aðildarviðræðna við Evrópusambandið dregur saman milli fylkinga en fulltrúar já og nei-hreyfinga sammælast um það í Pallborði að það verði mjótt á munum. Forsætisráðherra sagði ómögulegt að segja til um það hvernig niðurstaðan verði á laugardag en ríkisstjórnin muni virða hana hvernig sem fari.

Hvað ætti ungt fólk að kjósa 29. ágúst?

Ungt fólk verður í brennideplinum í Pallborðinu á Vísi í dag. Húsnæðismál, atvinnuleysi, efnahagsmál og fleiri mál verða rædd með það að markmiði að ungt fólk sé einhverju nær um hvað það á að kjósa í þjóðaratkvæðagreiðslunni 29. ágúst næstkomandi. 

Hitnar í kolunum: Já og nei í Pallborði

Fréttastofa Vísis verður reglulega með Pallborð fram að þjóðaratkvæðagreiðslunni um hvort Ísland eigi að hefja á ný aðildarviðræður við Evrópusambandið. Fyrsta Pallborðið fór fram klukkan 14 í dag þar sem fulltrúar tveggja já-hreyfinga og tveggja nei-hreyfinga tókust á um helstu álitaefni Evrópuumræðunnar.

Mest lesið


Fleiri fréttir

Sjá meira


×

Mest lesið