Leit enn í fullum gangi

Þetta segir Jón Þór Víglundsson, upplýsingafulltrúi hjá Slysavarnafélaginu Landsbjörg. Fyrstu viðbrögð hafi verið að senda eins mikinn mannskap á svæðið og kostur var. Gengu björgunarsveitarmenn svo meðfram ánni frá brúnni við Klaustursel og flugu myndavéladrónum yfir svæðið.

Sérstaklega hafi verið leitað vel frá Stuðlagili þar sem síðast sást til mannsins. Þyrla Landhelgisgæslunnar hafi komið á svæðið upp úr hálf fjögur með straumvatnsbjörgunarmenn frá Reykjavík og flogið meðfram ánni.

Stuðlagil hefur verið vinsæll viðkomustaður ferðamanna á Austurlandi undanfarin ár. Erlend ferðakona á fertugsaldri lést þegar hún féll í ána í október árið 2024. Þremur og hálfu ári áður komu nærstaddir konu sem féll í klettum við gilið til bjargar.

Fréttin er í vinnslu.