Er­lendir ríkis­borgarar flestir í Mýrdalshrepp og fæstir í Kjósarhrepp

Þetta kemur fram í nýrri tilkynningu á vef Þjóðskrár.

Þar segir að hlutfallið sé lægst í Kjósarhreppi, eða 5,3 prósent. Íbúar hreppsins eru 319 og þar af eru erlendir ríkisborgarar sautján talsins. Næst lægsta hlutfall erlendra ríkisborgara er í Eyjafjarðarsveit með 5,7% og Sveitarfélagið Skagarströnd með 6,1% íbúa.

„Þegar horft er til landshluta þá er hæsta hlutfall íbúa með erlent ríkisfang á Suðurnesjum, 32,1% íbúa og Vestfirðir koma næst með 24,1% íbúa. Lægsta hlutfall íbúa með erlent ríkisfang er á Norðurlandi eystra, 12,8%,“ segir á vef Þjóðskrár.

Hlutfall erlendra ríkisborgara af íbúum er 24,1 prósent í Reykjavík, 18,6 prósent í Hafnarfirði, 15,2 prósent í Kópavogi, 12,8 prósent í Árborg og 10,7 prósent á Akureyri, svo önnur dæmi séu tekin.