Lukaku lætur ekki sjá sig

Lukaku hefur helst verið orðaður við lið Atlanta United í MLS deildinni en ekkert er frágengið.

Meðan leitað er að lausn á hans málum mun Lukaku ekki mæta á æfingar Napoli og ljóst er að hann á sér enga framtíð hjá félaginu. Sérstaklega eftir kaup Napoli á Rasmus Hojlund.

Hinn víðförli Lukaku kom til Napoli árið 2024 frá Chelsea. Hann stóð sig vel á fyrsta tímabilinu og varð Ítalíumeistari en glímdi við mikil meiðsli á síðasta tímabili og spilaði aðeins sjö leiki.

Þetta er í annað sinn á árinu sem Lukaku skrópar á æfingar Napoli. Í vor ákvað hann að mæta ekki á æfingar heldur sinna endurhæfingu í heimalandi sínu, Belgíu, til að koma sér í stand fyrir HM.

Lukaku er heill heilsu núna en Napoli vill losa hann frá félaginu, þá aðallega til að þurfa ekki að borga honum 11 milljónir evra í laun næsta árið. Umboðsmaður Lukaku hefur sagt við La Gazzetta dello Sport að það komi ekki til greina að dreifa greiðslunum.