Sölvi reiður þrátt fyrir sigur

„Frammistaðan í þessum leik var til fyrirmyndar og við náðum á löngum köflum að pinna þá niður, skapa aftur og aftur hættulegar stöðugar og fengum klárlega nokkur færi til þess að skora fleiri mörk,“ sagði Sölvi Geir að leik loknum. 

„Það er vissulega græðgi að fara fram á stærri sigur en eins og leikurinn þróaðist þá hefðum við klárlega átti skilið að skora fleiri mörk. Aftur á móti var sætt að sjá Niko skora og sjá til þess að við værum allavega einu marki yfir fyrir seinni leikinn,“ sagði hann enn fremur. 

„Meiðslin hjá Elíasi Má settu svartan blett á annars frábært kvöld. Elías Már festir takkana í gömlu og handónýtu gervigrasi sem okkur er boðið upp á hér í Víkinni. Við erum nýbúin að missa leikmann í kvennaliðinu okkar í krossbandsmbeiðsli og aðstðan á þessum velli er til háborinn skammar,“ sagði Sölvi afar ósáttur. 

„Þetta gervigras er löngu komið á tíma og Reykjavíkurborg þarf að hysja upp um sig buxurnar. Víkingur er þessa stundina flaggberi Íslands í fótbolta í Evrópu og það er skandall að við séum að spila á jafn lélegum og í raun hættulegum velli og raun ber vitni,“ sagði þjálfarinn um völl Víkings. 

„Það er gulls ígildi að hafa jafn öflugan leikmann og Niko til þess að leysa Elías Má af hólmi. Markið sem hann skoraði var týpískt Niko-mark. Hann leggur sig allan fram fyrir liðið og var hugrakkur að setja höfðuðið í boltann og skalla hann yfir línuna,“ sagði Sölvi. 

„Við áttum okkur á því að við erum að fara í eriðan útileik og eins marks forysta er fljót að fara. Við þurfum að passa upp á að fara ekki út bara til þess að verja markið í 90 mínútur plús. Þar ytra þurfum við að freista þess að þora að halda í boltann, vera aggresívir í sóknarleiknum þegar færi gefst og gera allt sem í okkar valdi stendur til þess að koma okkur áfram,“ sagði hann um seinni leikinn.