Trump þakkar FIFA fyrir

Balogun getur þrátt fyrir allt spilað í 16-liða úrslitum þrátt fyrir brottvísun hans í 32-liða úrslitunum en hún var gerð skilorðsbundin. Það var The Athletic sem greindi frá þessari nýju þróun í málinu sem hefur verið í gangi síðustu daga.

Balogun fékk rautt spjald þegar hann steig á ökkla bosníska leikmannsins Tarik Muharemovic í 32-liða úrslitunum. Margir bentu á í kjölfarið að atvikið hefði verið óviljandi.

Í reglum Alþjóðaknattspyrnusambandsins er ekki heimild til að áfrýja brottvísunum, en þær geta verið gerðar skilorðsbundnar.

Nú hefur sá hluti reglugerðarinnar verið nýttur og Balogun fær að spila leikinn aðfaranótt þriðjudags að íslenskum tíma.

Donald Trump, forseti Bandaríkjanna, hefur tjáð sig um málið á skilaboðaþjónustunni Truth Social.

„Takk til FIFA fyrir að gera hið rétta og snúa við þessu grófa óréttlæti,“ skrifaði Trump.

Balogun hefur verið mikilvægur fyrir Bandaríkin með þremur mörkum hingað til á mótinu á heimavelli.

FIFA hefur áður notað þessa reglu til að gera stórstjörnur leikfærar fyrir HM. Cristiano Ronaldo fékk rautt spjald í undankeppni HM en fékk þrátt fyrir það að vera með frá fyrsta leik á mótinu.