Rakel nýr fram­kvæmda­stjóri hjá Ís­lands­banka

Í tilkynningu segir segir að undir svið Stefnumótunar og menningar falli lögfræðiþjónusta, samskiptamál, greining og fræðsla, mannauðsmál, markaðsmál, rekstur, stefnumótun og sjálfbærni.

„Íslandsbanki er í markvissri umbreytingu þar sem áhersla er lögð á einfaldara skipulag, skýrari ábyrgð, gagnadrifna ákvarðanatöku og aukna nýtingu tækni og gervigreindar. Stofnun nýs stoðsviðs er liður í þeirri vegferð og miðar að sterkari samþættingu þessara starfseininga, með það að markmiði að styðja við hraða þróun bankans og aukinn árangur.

Rakel Ásgeirsdóttir hefur víðtæka reynslu af stjórnunarstörfum innan Íslandsbanka. Hún er með BA-gráðu og hefur lokið meistaraprófi í lögfræði frá Háskólanum í Reykjavík. Þá hefur hún lögmannsréttindi og próf í verðbréfaréttindum,“ segir í tilkynningunni.