Svona verður út­sending Sýnar Sport í kringum stór­leiki kvöldsins

Subway-Messan hitar upp fyrir alla leikina klukkan 18:45 en aðaláherslan verður aftur á móti á leik Víkings og KR. Þeir Guðmundur Benediktsson, Kjartan Henry Finnbogason og Albert Brynjar Ingason verða í myndaveri Sýnar Sport á Suðurlandsbraut en Andri Már Eggertsson verður staddur í Fossvoginum þar sem hann mun láta gamminn geisa.

Sú útsending verður á Sýn Sport Ísland 2.

Subway-Messan færist síðan yfir á Sýn Sport Ísland 19:10 þar sem fylgst verður með öllum leikjum kvöldsins.

Leikur Víkings og KR verður síðan á Sýn Sport Íslands 2 og hefst hann 19:15.

Leikur Stjörnunnar og Breiðabliks verður á Sýn Sport Ísland 3 og hefst útsending 19:05.

Leikur ÍA og Vals verður síðan á Sýn Sport Ísland 4 og hefst útsending 19:05.

Stúkan mun síðan gera upp alla leiki umferðarinnar klukkan 21:25 á Sýn Sport Ísland og mun Kjartan Atli Kjartansson halda utan um hana eins og vanalega.