Byrjunar­liðin í Tókýó: Stefán Teitur og Liver­pool-maður fyrir­liðar

Stefán Teitur Þórðarson er með fyrirliðabandið í leiknum sem hefst klukkan 10:25 að íslenskum tíma, í beinni útsendingu á Sýn Sport.

Hákon Rafn Valdimarsson stendur í markinu en byrjunarliðið og varamenn má sjá hér að neðan.

Leikurinn er utan opinbers landsleikjaglugga FIFA og því gat Arnar ekki valið alla þá leikmenn sem hann hefði kosið í leikinn í dag. Ísland verður hins vegar með sinn sterkasta hóp gegn heimsmeisturum Argentínu í Bandaríkjunum 9. júní.

Í byrjunarliði Japana er meðal annars Liverpool-maðurinn Wataru Endo, Takehiro Tomiyasu fyrrverandi leikmaður Arsenal, Ao Tanaka leikmaður Leeds og Takefusa Kubo, kantmaður og liðsfélagi Orra Steins Óskarssonar hjá Real Sociedad.

Bein útsending frá leiknum er á Sýn Sport og hefst upphitun, með Kára Árnasyni og Bjarna Guðjónssyni, klukkan 10.