Handbolti

Elín Klara endaði leikinn með látum og er einum sigri frá titlinum

Ágúst Orri Arnarson skrifar
Elín Klara Þorkelsdóttir hefur raðað inn mörkum fyrir Sävehof í vetur og er á hraðleið með að verða sænskur meistari á sínu fyrsta tímabili hjá félaginu. 
Elín Klara Þorkelsdóttir hefur raðað inn mörkum fyrir Sävehof í vetur og er á hraðleið með að verða sænskur meistari á sínu fyrsta tímabili hjá félaginu.  Sävehof

Elín Klara Þorkelsdóttir fagnaði 27-30 sigri með liði Savehof á útivelli gegn Skara, liði Lenu Valdimarsdóttur, í úrslitaeinvígi sænska handboltans.

Savehof er þar með komið í 2-0 forystu í úrslitaeinvíginu og getur orðið sænskur meistari með sigri á heimavelli í næsta leik á sunnudag.

Gestirnir áttu góðan leik í kvöld og voru mest með níu marka forystu en létu aðeins af hendi undir lokin.

Elín Klara átti öflugan leik og skoraði 4 mörk fyrir Savehof.

Hún skoraði síðasta mark leiksins en lét ekki þar við sitja, þrátt fyrir að vera með þriggja marka forystu, og fékk tveggja mínútna brottvísun þegar hún varðist lokasókn Skara.

Lena komst ekki á blað fyrir Skara.

Sænski handboltinn

Mest lesið


Fleiri fréttir

Sjá meira


×

Mest lesið