Fastur í langri bíla­lest á þjóð­vegi 1

„Ég hef verið nú í 25 mínútur í röð. Það er komin bílalest lengst upp á heiði,“ segir Árni í stuttu samtali við Vísi. Hann telur að mörg þúsund manns verði nú fyrir ófyrirsjáanlegum töfum á ferðum sínum. 

Spurður hvort þetta séu ekki mestan part ferðamenn telur Árni það af og frá.

„Milli Selfoss og Reykjavíkur? Nei, þetta eru flutningabílar og fólk á ferðinni. Þetta er þjóðvegur 1. Það er engin önnur leið nema þá um Þingvelli. Ég er sem betur fer ekki á flutningabíl á leiðupp í námur. Ég kæmist ekki margar ferðir,“ segir Árni.

Samkvæmt tilkynningu frá Vegagerðinni tengist þetta verk uppstillingu á fyrstu stálbitum í Ölfusárbrú og er verkið sagt ganga vel. En Árni er ósáttur og telur þetta vanvirðingu við vegfarendur, að ekki sé hægt að vinna verkið í næturvinnu og á auðveldari hátt.