Sport

Betur fór en á horfðist þegar bíll endaði í á

Jón Þór Stefánsson skrifar
Frá torfærukeppni á Hellu. Myndin er úr safni.
Frá torfærukeppni á Hellu. Myndin er úr safni. Vísir/Gunnlaugur Einar Briem

Gunnar Guðjónsson, keppandi í Sindratorfærunni á Hellu, missti stjórn á bíl sínum og ók ofan í á í gær. Hann var á bólakafi í um nítján sekúndur, en komst upp úr af sjálfsdáðum, en til þess þurfti hann að losa bílbelti sitt með sérstakri neyðarlosun.

Rúv greinir frá þessu og birtir myndband af atvikinu, en miðillinn var að sýna frá viðburðinum. Útsending var rofin um skamma stund.

„Þetta er bara martröð. Hann veit ekki hvernig bíllinn snýr eða neitt. Hann er bara ofan í ískaldri á, adrenalínið í botni. Hvað heldur hann andanum lengi niðri?“ sagði Bragi Þórðarsson lýsandi.

„Þvílík hetja Gunnar Guðjónsson! Þarna fékk ég fyrir hjartað.“

Mest lesið


Fleiri fréttir

Sjá meira


×

Mest lesið