Bald­vin og Andrea fögnuðu sigri í fyrsta míluhlaupinu

Hlaupin var ein míla, eða 1.609 metrar, á hraðri og flatri braut. Hringurinn var 1.119 metrar með tveimur 490 metra beinum köflum.

Aðstæður voru afar erfiðar, verulega vindugar og votar. Hlaupararnir voru því ekki að klukka sína bestu tíma en sigurvegararnir voru ekki óvæntir.

Baldvin Þór Magnússon vann karlaflokkinn með því að hlaupa míluna á 4 mínútum og 21 sekúndu.

Andrea Kolbeinsdóttir vann kvennaflokkinn með því að hlaupa míluna á 4 mínútum og 59 sekúndum. Halldóra Huld Ingvarsdóttir og Íris Anna Skúladóttir urðu í 2. og 3. sæti, á 05:11 og 05:20.

Samkeppnin var sérlega hörð í karlaflokki og úr varð æsispennandi keppni.

Baldvin vann með yfirburðum en mjög litlu munaði hjá næstu mönnum á eftir honum. Jökull Bjarkason og Fjölnir Brynjarsson urðu í 2. og 3. sæti, báðir á tímanum 4:31. Í 4. sæti kom Þorsteinn Roy í mark á tímanum 4:32. Gestur Daníelsson og Stefán Pálsson urðu í 5. og 6. sæti á tímanum 4:33. Davíð Freyr Magnússon varð svo í 7. sæti á tímanum 4:34.

Samkeppnin varð minni í kvennaflokki vegna meiðsla Anítu Hinriksdóttur og Elísa Kristinsdóttur.

Einnig var keppt í opnum almennum flokkum karla og kvenna. Þar var Agnar Darri Sveinsson sigurvegari karla á tímanum 04:49 en Sigrún Erla Lárusdóttir sigurvegari kvenna á tímanum 05:52.

Keppnin bar heitið Vecct Mílan og var í beinni útsendingu á Vísi. Upptaka verður birt hér fyrir neðan síðar í í dag.