Veður

Hlýtt í dag en kuldi í kortunum

Agnar Már Másson skrifar
Svona lítur spáin út um kl. 6 á miðvikudagsmorgun næstkomandi.
Svona lítur spáin út um kl. 6 á miðvikudagsmorgun næstkomandi. Veðurstofa Íslands

Búast má við hátt í níu stiga hita á höfuðborgarsvæðinu í dag og hiti gæti náð 12 stigum sums staðar á landinu en búist er við suðlægri vindátt á bilinu 5-13 m/s. Skýjað og dálítil væta öðru hverju sunnan- og vestantil, en bjart með köflum á norðaustanverðu landinu. 

Aftur á móti er spáð hvössum vindstrengjum norðantil á Snæfellsnesi í dag.

Þetta má lesa í spá Veðurstofu Íslands. Þar segir að hiti sé 6 til 12 stig að deginum.

Þá segir að búast megi við svipuðu veðri á morgun, sunnudag, þó að líklega bæti aðeins í úrkomuna á Suður- og Vesturlandi.

Í byrjun næstu viku er svo spáð sunnan strekkingi og vætusömu veðri, en þá léttir væntanlega til norðaustanlands á þriðjudag. Fremur hlýtt.

Síðan er að sjá að kólni allmikið á landinu, fyrst í suðvestanátt en síðar vestlægari og norðvestlægari undir helgi. Má þá búast við að hluti úrkomunnar falli sem slydduél eða jafnvel snjóél.

Veður

Mest lesið


Fleiri fréttir

Sjá meira


×

Mest lesið