Snorri semur til 2032

Snorri var ráðinn landsliðsþjálfari í byrjun júní 2023. Hann hefur stýrt íslenska landsliðinu á þremur stórmótum.

Á EM 2024 endaði Ísland í 10. sæti en því níunda á HM 2025. Á EM í janúar komust Íslendingar alla leið í undanúrslit og lentu í 4. sæti sem er besti árangur þeirra síðan 2010.

Næsta stórmót er HM í Þýskalandi 2027 en 2028 eru tvö stórmót; EM í Portúgal, Sviss og Svíþjóð og svo Ólympíuleikarnir í Los Angeles.

Á blaðamannafundi í höfuðstöðvum Arion-banka í dag sagði Jón Halldórsson, formaður HSÍ, að markmið íslenska landsliðsins væri að vinna til verðlauna á stórmóti.