Sjáðu mörkin hans Orra: Ungi fyrir­liðinn okkar mætti aftur með stæl

Orri Steinn skoraði tvívegis á fyrstu 22 mínútunum í vináttulandsleik Íslands og HM-gestgjafanna frá Kanada.

Arnar Gunnlaugsson setti fyrirliðabandið á Orra þegar hann tók við landsliðinu en leiðinleg meiðsli sáu til þess að hann náði aðeins að spila tvo fyrstu leikina eftir að Arnar tók við.

Nú er ungi fyrirliðinn okkar hins vegar kominn aftur í slaginn og hann sýndi gæði sín í byrjun leiks á móti Kanada.

Fyrst komst Orri inn í sendingu hjá kanadískum varnarmanni og refsaði um leið af mikilli yfirvegun.

Á 21. mínútu fékk Orri boltann frá Mikael Egill Ellertsson í gott hlaup og afgreiddi hann í netið með föstu skoti rétt innan vítateigs.

Orri er búinn að spila 22 mínútur í endurkomunni og kominn með tvö mörk. Hér fyrir ofan og neðan má sjá þessi mörk hans.