Tíu ára strákur efstur Ís­lendinga

Staðan er mjög óvænt því hinn tíu ára gamli Pétur Úlfar Ernisson er efstur Íslendinga á mótinu. Hann er eini Íslendingurinn sem er með fullt hús að loknum keppnisdegi dagsins.

Stórmeistarinn Vignir Vatnar Stefánsson náði ekki að kreista vinning úr sinni skák og varð að gera sér jafntefli að góðu og hefur 2½ vinning. Hann er námunda við næstu menn.

Pétur vann fínan sigur á hinum norska Magnusi, þó ekki Carlsen heldur Digernes. Hann hefur því unnið þrjár fyrstu skákir sínar.

Björn Hólm Birkisson náði góðri jafnteflisfléttu gegn Hannesi Hlífari Stefánssyni. Akureyringurinn Markús Orri Óskarsson náði sér í góð úrslit þegar hann lagði alþjóðlega meistarann Robert Baskin.

Af ofurstórmeisturunum (2600 eló plús) voru það aðeins Íraninn Tabatabaei (2700), Norðmaðurinn Aryan Tari (2642) og Kosíkumaðurinn Marc’andria Maurizzi (2614) sem héldu dampi og áttu fullt hús. Úkraínska goðsögnin Ivanchuk (2624) gerði jafntefli.

Fjórða umferð mótsins hefst kl. 15:00 á morgun, föstudag. Stórmeistarinn Helgi Áss Grétarsson verður með skákskýringar og má gera ráð fyrir að þær hefjist um kl. 17:00 á morgun í Stemmu í Hörpu.