Missir af Londonmaraþoninu eftir ó­happ á hlaupa­bretti

Hollenska íþróttakonan, sem vann gull á Ólympíuleikunum í París 2024, meiddist á hásin við æfingar á hlaupabretti fyrir sex vikum.

Hún vonaðist til að ná sér í tæka tíð til að keppa í Lundúnum en hefur nú gefist upp við að ná því.

„Til að keppa á þessu stigi þarf maður að vera í fullkomnu formi,“ sagði Hassan við BBC en hún fagnaði sigri í Lundúnamaraþoninu 2023.

„Eftir atvikið vonaði ég að meiðslin myndu lagast, en eftir því sem æfingum vatt fram varð ljóst að ég gat ekki undirbúið mig á því stigi sem ég geri kröfu um af sjálfri mér,“ sagði Hassan.

„Ég verð að hlusta á líkamann og einbeita mér að því að ná fullum bata,“ sagði Hassan.

Hin 33 ára gamla Hassan er einn sigursælasti langhlaupari sögunnar en hún vann einnig gullverðlaun í 5000 metra og 10.000 metra hlaupi á Ólympíuleikunum í Tókýó 2021.

Með sigri sínum árið 2024 varð íþróttakonan, sem er fædd í Eþíópíu, fyrsta konan til að vinna Ólympíugull í 5000 metrum, 10.000 metrum og maraþoni.

Lundúnamaraþonið 2026 fer fram sunnudaginn 26. apríl.