Flug­vél fór út af og öllum brautum lokað

„Þetta er bara minniháttar,“ segir Guðni Sigurðsson, upplýsingafulltrúi Icelandair, í samtali við Vísi. „En samkvæmt verklagi þarf að framkvæma skoðun á vélinni, svo fer hún líklega bara í afísingu og áfram sína leið.“

Hann segir að vélin, sem er af tegundinni AirBus, hafi verið á leið frá hliði og runnið til er henni var ekið frá flugstöðinni. Engan hafi sakað en um fulla vél var að ræða. 

Samkvæmt heimildum fréttastofu var öllum brautum á vellinum lokað en nú eru flugvélar teknar að lenda á vellinum á ný eftir að hafa verið flogið í biðstöðu í nokkra stund. 

Mikil hálka er á vellinum, að sögn Guðna. Hann segir að vélin fari að líkindum í loftið á ný um leið og búið sé að draga hana. Vélin á að fara til Lundúna.

Fréttin hefur verið uppfærð.