Íslandsmeistaramót í spili al­þýðunnar Ól­sen ól­sen

„Spilað verður best of 5 (fyrstur til að vinna þrjú spil) og það verður útsláttarfyrirkomulag. Í fyrra skapaðist einstök stemmning á mótinu, það var sungið, það var hlegið, það var rifist og næstum því slegist,“ segir Tommi Steindórs, dagskrárstjóri X977 en hann hefur yfirumsjón með mótinu. 

Af hverju Ólsen ólsen? 

„Rétt eins og X977 er útvarpsstöð alþýðunnar þá er Ólsen ólsen spil alþýðunnar, eitthvað sem langflestir geta spilað, ólíkt briddsinu. Það þarf útsjónarsemi og athygli til þess að spila Ólsen, ég myndi segja að það sé 70% en svo spilar heppni að sjálfsögðu alltaf eitthvað inní,“ útskýrir Tommi og á von á fjörugu móti.

„Mitt hlutverk á svæðinu er að tryggja að allt fari vel og rétt fram. Eftir næstum því slagsmálin á síðasta móti hefur öryggisgæsla verið aukin og mun Bolli Már Bjarnason aðstoða mig að allt fari vel fram,“ segir Tommi. 2500 krónur kostar á mótið en öll mótsgjöld munu renna í vasa efstu þriggja á mótinu.

Miðasala er hafin og athugið að það er 18 ára aldurstakmark á þennan viðburð.