Glósu­blað Roseni­or og meira fía­skó: „Fárán­legur leik­þáttur“

Þegar þarna var komið við sögu var staðan í leiknum 3-0, og staðan í einvíginu orðin samtals 8-2, og löngu orðið ljóst að PSG færi áfram í 8-liða úrslitin á kostnað Chelsea. Til hvers var þá Rosenior að senda Garnacho með skilaboð um uppstillingu liðsins?

„Þetta er eins og allt með þennan mann. Fáránlegur leikþáttur,“ sagði Albert Brynjar Ingason en umræðuna má sjá hér að neðan.

Arnar Gunnlaugsson var orðvarari en tók undir það að þetta væri ekki klókt hjá Rosenior.

„Þú getur farið tvær leiðir í þessu. Að hann sé gegnheill og trúr eigin sannfæringu í því sem hann er að gera. En hitt er að þú verður að lesa salinn. Þú verður að lesa í það á hvaða sviði þú ert. Þetta er ekki Strasbourg eða Championship-deildin. Þetta er Chelsea, þar sem hvert orð og hvað sem þú gerir er „skrútinæsað“ til dauða. Þetta er bara illa lesið hjá honum,“ sagði Arnar.

Þetta er ekki fyrsta atvikið eftir að Rosenior tók við Chelsea sem Albert kýs að lýsa sem „fíaskó“ en umræðuna má sjá hér að ofan.