Handbolti

Viggó og Andri fengu skell gegn meisturunum

Ingvi Þór Sæmundsson skrifar
Viggó Kristjánsson heldur nú til Íslands þar sem hann leikur með landsliðinu í tveimur leikjum gegn Svíþjóð.
Viggó Kristjánsson heldur nú til Íslands þar sem hann leikur með landsliðinu í tveimur leikjum gegn Svíþjóð. getty/Harry Langer

Erlangen, lið Viggós Kristjánssonar og Andra Más Rúnarssonar, steinlá fyrir meisturum Füchse Berlin, 45-29, í þýsku úrvalsdeildinni í handbolta í kvöld.

Viggó átti stórkostlegan leik í síðustu umferð og skoraði sextán mörk í sigri á Minden, 36-31.

Seltirningurinn náði sér ekki jafn vel á strik í leiknum í kvöld. Hann skoraði þrjú mörk úr níu skotum og gaf fjórar stoðsendingar.

Andri Már skoraði sömuleiðis þrjú mörk fyrir Erlangen sem mætti ofjörlum sínum í kvöld. Füchse Berlin var átta mörkum yfir í hálfleik, 23-15, vann seinni hálfleikinn með sama mun og að lokum sextán marka sigur, 45-29.

Mathias Gidsel skoraði ellefu mörk úr tólf skotum fyrir Berlínarrefina sem eru í 2. sæti deildarinnar með fjörutíu stig, sex stigum á eftir Evrópumeisturum Magdeburg.

Erlangen er í 13. sæti deildarinnar með sautján stig.

Þýski handboltinn

Tengdar fréttir

Nýbakaði faðirinn með níu mörk

Ómar Ingi Magnússon fór mikinn þegar Magdeburg vann tveggja marka sigur á Bergischer, 25-27, í þýsku úrvalsdeildinni í handbolta í dag.

Mest lesið


Fleiri fréttir

Sjá meira


×

Mest lesið