Haukur og fé­lagar eyði­lögðu há­tíðar­höld

Hin árlega vetrarlokahátíð fer fram í Eisenach um helgina og venju samkvæmt hófust hátíðarhöldin með handboltaleik í bænum á föstudagskvöldi.

En líkt og með hátíðarbúninga liðsins, sem festust í fraktflugvél í Pakistan vegna stríðsátakanna í Mið-Austurlöndum, þá skilaði sigurinn sér ekki.

RN Löwen mætti á svæðið og skemmdi partýið með því að sækja jafntefli eftir að hafa verið fjórum mörkum undir um miðjan seinni hálfleik.

Haukur Þrastarson var stoðsendingahæstur í leiknum með sex stoðsendingar og skoraði þrjú mörk að auki.

Á sama tíma fagnaði Einar Þorsteinn Ólafsson 35-37 sigri á útivelli með liði Hamburger SV gegn Burgdorf.