Besta sætið: Fjandi stór fjár­festing á föstu­deginum þrettánda

Endurkoma Danijel Dejan Djuric í íslenska boltann úr atvinnumennskunni í Króatíu er stóra frétt dagsins hér heima. Danijel skrifar undir þriggja ára samning fyrir norðan og kemur til með að styrkja lið KA verulega. Auðvitað var farið í þaula yfir félagsskiptin stóru í þætti dagsins.

Línur eru teknar að skýrast í Bónus deild karla í körfubolta nú þegar að styttist í úrslitakeppni deildarinnar. Ótrúlegar lokasekúndur í Vesturbænum, áframhaldandi vandræði hjá Þór Þorlákshöfn og Álftanesi og risa sigur Njarðvíkinga bar á góma auk þess sem hitað var upp fyrir stórleik kvöldsins þar sem að topplið Grindavíkur getur orðið deildarmeistari með sigri á ríkjandi Íslandsmeisturum Tindastóls.

Toppliðin í ensku úrvalsdeildinni eiga leik annað kvöld auk þess sem áhugaverðir Evrópuslagir eiga sér stað. Tottenham á í sögulegu basli þessa dagana og eiga erfitt verkefni fyrir höndum gegn Liverpool á Anfield.

Hlustaðu á þátt dagsins í Besta sætinu í gegnum hlaðvarpsveitur hér fyrir neðan eða í spilaranum ofar í fréttinni.