Formúla 1

Verstappen tikkar af golulistanum

Valur Páll Eiríksson skrifar
Max Verstappen hefur áhuga á fleiri kappaksturgreinum en Formúlu 1 og mun tikka af listanum í vor.
Max Verstappen hefur áhuga á fleiri kappaksturgreinum en Formúlu 1 og mun tikka af listanum í vor. Vísir/Getty

Max Verstappen, fjórfaldur heimsmeistari í Formúlu 1 og ökuþór fyrir Red Bull, er sérlega spenntur fyrir því að taka þátt í 24 tíma þrekkappakstrinum á Nürburgring í vor.

Verstappen, sem er 28 ára gamall, mun setjast undir stýri Mercedes AMG GT bíls á viðburðinum í maí, þegar sýningarbílar keppa á frægri brautinni í Eifel-fjöllum í Þýskalandi.

„Nürburgring Nordschleife er sérstakur staður. Það er engin önnur braut eins og þessi. 24 tíma kappakstrinum á Nürburgring hefur verið á golulistanum (e. bucket list) mínum lengi, svo ég er mjög ánægður að við getum látið þetta gerast núna.“

Það er sjaldgæft að Formúlu 1 ökumaður, sérstaklega af á stalli Verstappens, taki þátt í mótorsportkeppni á lægra stigi.

Almennt er talið að Verstappen gæti einn daginn keppt í 24 tíma kappakstrinum í Le Mans, sem hefur aukist í vinsældum á undanförnum árum.

Hin virta 24 tíma Nürburgring er þrepi neðar en keppni eins og Le Mans, sem er hluti af Heimsmeistaramótinu í þrekakstri.

24 tíma kappaksturinn í Nürburgring fer fram dagana 16. og 17. maí, á milli Miami- og Kanada-kappakstranna.

Akstursíþróttir

Mest lesið


Fleiri fréttir

Sjá meira


×

Mest lesið