Birgitta Líf ráðin fram­kvæmda­stjóri

Viðskiptablaðið greinir frá tíðindunum og hefur þær eftir tilkynningu frá World Class. Þar segir að breytingin sé liður í áframhaldandi uppbyggingu og þróun starfseminnar og komi til samhliða ráðningu nýs markaðsstjóra fyrirtækjanna, Önnu Bergmann, sem tók einmitt við því hlutverki af Birgittu.

Birgitta Líf er dóttir Björns Leifssonar og Hafdísar Jónsdóttur sem eiga World Class og hefur starfað hjá fjölskyldufyrirtækinu um árabil. Undanfarin níu ár hefur hún stýrt markaðsmálum World Class og Lauga Spa.

Þá segir að í nýju hlutverki muni húnleiða þróunar- og markaðssvið fyrirtækjanna með áherslu á stefnumótun, áframhaldandi uppbyggingu vörumerkjanna og þróunarverkefni sem styðja við vöxt og þjónustu við viðskiptavini.

Birgitta Líf er með BA-gráðu í lögfræði frá Háskólanum í Reykjavík og hefur lokið meistaranámi í alþjóðaviðskiptum frá Bifröst.