Lamine Yamal með sigur­mark Börsunga

Sigurinn þýðir að Barcelona nær aftur fjögurra stiga forystu á Real Madrid á toppi deildarinnar en Real Madrid vann sinn leik í umferðinni í gærkvöldi.

Sigurmarkið kom á 68. mínútu og var enn ein perlan frá Yamal. Hann fékk boltann frá Pedri og afgreiddi hann snilldarlega í markið, í stöngina og inn.

Yamal var með þrennu í leiknum á undan og hefur nú skorað sjö mörk í síðustu sjö deildarleikjum sínum og fjórtán deildarmörk alls á leiktíðinni.

Þetta var ekki sannfærandi sigur hjá Börsungum en þeir gerðu nóg til að landa öllum þremur stigunum nú þegar álagið er mikið á liðið.