Dag­skráin í dag: Toppbaráttan í Eng­landi og toppslagur hér heima

Það fara fram leikir bæði í efri sem og neðri hluta Bónus deildarinnar í kvöld. Augu flestra verða á toppslag Njarðvíkur og Hauka. Njarðvík vermir efsta sæti deildarinnar fyrir leiki kvöldsins og er með tveimur stigum meira en Haukar sem eru í öðru sætinu. Leikur liðanna hefst klukkan korter yfir sjö og verður sýndur í beinni útsendingu á Sýn Sport Ísland.

Á Sýn Sport Ísland 2 verður sýnt beint frá leik Grindavíkur og Vals sem hefst á sama tíma. Liðin eru í baráttunni um heimavallarrétt í úrslitakeppninni og verma fjórða og fimmta sæti deildarinnar með sama stigafjölda.

Í neðri hluta deildarinnar tekur Keflavík á móti Tindastól í beinni á Sýn Sport Ísland 3 og á Sýn Sport Ísland 4 mætir Stjarnan í heimsókn í Laugardalshöllina og mætir liði Ármanns. Leikir kvöldsins verða gerðir upp í Bónus körfuboltakvöldi sem hefst klukkan tíu mínútur í tíu á Sýn Sport Ísland.

Doc Zone stendur vaktina í enska

Spennan á toppi ensku úrvalsdeildarinnar er magnþrungin þessa dagana og bæði topplið Arsenal sem og Manchester City í öðru sætinu eiga leik í kvöld. Fylgst verður með öllum leikjum kvöldsins í deildinni í Doc Zone í umsjón Hjörvars Hafliðasonar í beinni útsendingu á Sýn Sport. Þátturinn hefst klukkan tíu mínútur yfir sjö.

Á Sýn Sport 2 verður sýnt beint frá leik Newcastle United og Manchester United sem hefst klukkan átta. Hinir leikir kvöldsins hefjast klukkan hálf átta. Á Sýn Sport 3 heimsækir topplið Arsenal lið Brighton og á Sýn Sport 4 tekur Aston Villa á móti Chelsea. Manchester City tekur á móti Nottingham Forest í leik sem verður sýndur í beinni útsendingu á Sýn Sport 5 og á Sýn Sport 6 er á dagskrá Lundúnaslagur Fulham og West Ham.