Handbolti

Viktor Gísli varði vel og skoraði líka í Meistara­deildinni

Óskar Ófeigur Jónsson skrifar
Viktor Gísli Hallgrímsson stóð sig mjög vel í Meistaradeildarleik í kvöld.
Viktor Gísli Hallgrímsson stóð sig mjög vel í Meistaradeildarleik í kvöld. VÍSIR/VILHELM

Íslenski landsliðsmarkvörðurinn Viktor Gísli Hallgrímsson átti mjög góðan leik með spænska stórliðinu Barcelona í Meistaradeildinni í kvöld.

Barcelona fór á kostum og vann tuttugu marka sigur á króatíska félaginu HC Zagreb, 46-26.

Viktor fékk tækifærið í markinu í stað Emil Nielsen og varði sautján skot. Hann var með 39,5 prósent markvörslu.

Viktor varði eitt víti, fjögur af línu og þrjú úr hornunum en hin skotin komu fyrir utan.

Viktor lét sér það ekki nægja því hann skoraði eitt marka Barcelona og átti einnig eina stoðsendingu fram völlinn.

Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið