Selja fé­lagið tíu dögum eftir Super Bowl sigur

Gjóðarnir unnu sannfærandi sigur í Ofurskálinni gegn föðurlandsvinunum frá New England.

Orðrómur hafði verið á lofti þess efnis að félagið yrði sett á sölu eftir leikinn og nú hefur það fengist staðfest. Óvíst er hins vegar hversu háa fjárhæð eigandinn fer fram á, en talið er að það verði um 8 milljarðar dollara.

Samkvæmt gögnum Sportico var Seattle Seahawks 6,59 milljarða dollara virði á síðasta ári, og nú hefur félagið bætt við sig meistaratitli.

Allen fjölskyldan hefur átt félagið í tæplega þrjátíu ár og unnið Ofurskálina tvisvar.

Þetta er í annað sinn á jafnmörgum árum sem eigendur meistaraliðs í bandarísku boltaíþróttunum ákveða að selja félag sitt strax eftir að hafa unnið meistaratitil. Boston Celtics var einnig sett á sölu eftir að hafa unnið NBA meistaratitilinn 2024.

Líkt og Celtics þá hafa Seahawks aldrei verið verðmætari en akkúrat núna.

Framtíðareigendur Seahawks sjá þó líklega tækifæri til að gera félagið enn verðmætara.

Liðið gæti vel unnið Ofurskálina aftur á næstu árum og NFL deildin hefur verið í mikilli alþjóðlegri útbreiðslu undanfarin ár, með nýja sjónvarpssamninga á leiðinni sem munu slá met.