Handbolti

Leiðin að bikarnum klár og Hafnar­fjarðar­liðin mætast

Sindri Sverrisson skrifar
Haukar eiga titil að verja í kvennaflokki.
Haukar eiga titil að verja í kvennaflokki. vísir/Hulda Margrét

Það verður Hafnarfjarðarslagur á milli Hauka og FH í undanúrslitum Powerade-bikars karla í handbolta. Í undanúrslitum kvenna mætast liðin sem léku til úrslita í fyrra.

Dregið var í undanúrslitin í dag og má sjá niðurstöðuna hér að neðan.

Undanúrslit kvenna:

  • Haukar - Fram
  • KA/Þór - Valur

Undanúrslit karla:

  • Haukar - FH
  • ÍR - KA

Haukar eiga titil að verja í kvennaflokki eftir sigur gegn Fram í úrslitaleiknum í fyrra en í karlaflokki eru ríkjandi bikarmeistarar Fram úr leik.

Haukar eiga fulltrúa í undanúrslitum beggja kynja sem og Akureyringar því KA er í undanúrslitum karla og KA/Þór í undanúrslitum kvenna.

Undanúrslit kvenna fara fram miðvikudaginn 25. febrúar og undanúrslit karla degi síðar. Úrslitaleikirnir eru svo 28. febrúar. Allir þessir leikir fara fram á Ásvöllum, heimavelli Hauka í Hafnarfirði.

Powerade-bikarinn Haukar Fram KA Þór Akureyri ÍR Valur FH

Mest lesið


Fleiri fréttir

Sjá meira


×

Mest lesið