Rugluðust á Lauf­eyju og „Megan“

Golden Globe-hátíðin fór fram í gærkvöldi, þar sem kvikmyndin One Battle After Another og sjónvarpsþáttaröðin Adolescence komu, sáu og sigruðu.

Laufey mætti á hátíðina í glæsilegum kjól frá Balenciaga en þegar ljósmyndarar kepptust um að ná athygli hennar á rauða dreglinum með því að kalla nafn hennar þá hrópuðu þeir „Megan“ í stað „Laufey“.

Laufey brást yfirveguð við og sagði: „Ég heiti ekki Megan, svo ég veit ekki...“.

Erlendir miðlar hafa gert því skóna að ljósmyndararnir hafi ruglast á Laufeyju og Megan Skiendiel, sem tilheyrir poppgrúppunni Katseye. Þá geta þeir ummæla netverja, sem margir hafa hrósað Laufey fyrir að bregðast kurteisislega og yfirvegað við misskilningnum.