Gular við­varanir vegna norð­austan hríðar

Á vef Veðurstofunnar segir að það verði austlæg átt, átta til fimmtán metrar á sekúndu, en 15 til 23 suðaustantil, hvassast í Öræfum.

„Yfirleitt bjartviðri vestanlands, en dálítil él fyrir norðan og snjókoma eð slydda á Suðausturlandi. Frost 0 til 7 stig.

Dregur smám saman úr vindi eftir hádegi og styttir upp suðaustanlands, en áfram él á norðanverðu landinu. Kólnar í kvöld,“ segir í hugleiðingum veðurfræðings.

Veðurhorfur á landinu næstu daga

Á föstudag: Norðaustan 3-10 m/s, en 10-15 með suðausturströndinni fram eftir degi. Léttskýjað á Suður- og Vesturlandi, en dálítil él norðan- og austanlands, einkum við ströndina. Frost 0 til 10 stig, kaldast inn til landsins.

Á laugardag: Fremur hæg norðaustlæg eða breytileg átt. Þurrt og bjart sunnan- og suðvestanlands, annars skýjað með köflum og stöku él, en líkur á snjókomu við suðausturströndina seinnipartinn. Frost 2 til 12 stig.

Á sunnudag: Vaxandi norðaustanátt, hvassviðri með snjókomu, fyrst um landið suðaustanvert, en rigning eða slydda sunnan- og austantil seint um kvöldið. Hlýnar í veðri.

Á mánudag: Suðaustlæg átt og rigning suðaustanlands, Norðaustlægari og rigning eða slydda allra vestast framan af degi, annars úrkomuminna. Hiti 1 til 6 stig.

Á þriðjudag: Suðlæg átt og fremur vætusamt. Hiti 2 til 7 stig.

Á miðvikudag: Útlit fyrir suðaustanátt með rigningu suðaustanlands, en víða þurrt annars staðar. Hiti breytist lítið.