Ungu strákarnir mætast í úr­slita­leiknum á HM í pilu

Hinn 23 ára gamli Gian van Veen tryggði sér sæti í sínum fyrsta úrslitaleik á HM eftir 6-3 sigur á reynsluboltanum Gary Anderson.

Leikur þeirra í kvöld var frábær skemmtun og það var magnað að sjá Van Veen komast í 4-1 þrátt fyrir frábæra spilamennsku hjá Anderson. Sá hollenski spilaði bara enn betur.

Anderson komst í 1-0 með því að vinna fyrsta settið 3-1. Van Veen var fljótur að jafna og var síðan kominn í 3-1 í settum eftir fjórða settið. Fimmta settið var síðan eitt það rosalegasta sem hefur beðið upp á á HM:

Anderson var þá meðaltal upp á 117 en það dugði ekki því Van Veen tryggði sér sigur í oddaleggnum og var þar með kominn í 4-1 í leiknum. Brekkan var því brött fyrir reynsluboltann.

Anderson bauð samt upp á smá endurkomu og minnkaði muninn í 4-3 með því að vinna tvö sett í röð en sá hollenski fór ekkert á taugum og tryggði sér sigurinn með því að vinna síðustu tvö settin.

Van Veen mætir Luke Littler í úrslitaleiknum en Littler, sem er ríkjandi heimsmeistari, er aðeins átján ára. Meðalaldurinn í úrslitaleiknum verður því rétt yfir tvítugu.

Gian van Veen hefur átt frábært ár en hann varð Evrópumeistari fyrr á árinu og hefur einnig tvisvar orðið heimsmeistari unglinga.