Ungur leik­maður Metz slasaðist í sprengingunni

Fjörutíu manns létu lífið í slysinu og að minnsta kosti 115 særðust. Forsetinn Guy Parmelin segir um að ræða einn versta atburðinn í sögu svissnesku þjóðarinnar.

Dos Santos nýtti jólafríið í franska boltanum og skellti sér á skíði með vinum sínum yfir hátíðarnar.

Hann var á varamannabekknum þegar Metz sló Bieshiem út í franska bikarnum þann 20. desember en næsti leikur liðsins er sunnudaginn 4. janúar gegn Lorient.

Félagið sagði Dos Santos hafa átt að snúa aftur á æfingar í dag samkvæmt plani. Stjórnarmenn, þjálfarar og leikmenn félagsins séu í miklu áfalli og muni styðja Dos Santos og fjölskyldu hans meðan hann jafnar sig.

Dos Santos hlaut alvarleg brunasár og var fluttur með sjúkraþyrlu á spítala í Þýskalandi. Unnið er að því að koma honum til Frakklands í frekari endurhæfingu en hann getur ekki ferðast að svo stöddu.