„Hefðum þurft að hafa heppnina með okkur í liði“

„Valur er með gott lið í hörkustandi, á meðan við þurfum kannski að keyra á færri mönnum vegna meiðsla. Við vorum bara ekki nógu sterkir til að klára leikinn eins og við vildum.“

„Við fengum tvö skot til að jafna og fara í framlengingu, en við höfðum heppnina einfaldlega ekki með okkur.“

Hann segir þó að það sé ýmislegt jákvætt sem hans menn geti tekið með sér úr leik kvöldsins.

„Já, klárlega. Sérstaklega það að við erum að berjast allan tímann. Ég veit að þetta var erfitt fyrir þessa 6-7 stráka sem þurftu að spila nánast allan leoikinn, en ég veit líka að þeir lögðu allt í þetta. Þeir lögðu allt í að reyna að vinna þennan leik og til að gleðja okkar stuðningsfólk. Ég er viss um að okkar fólk sá hvað við lögðum mikið í þennan leik og að við erum ekki lið sem gefst upp.“

„Við náum tíu stiga forskoti snemma í þriðja leikhluta, en kannski var það of snemmt. Valur er með mjög reynslumikið lið sem nær að snúa þessu við og nær að halda forystunni út leikinn. Þetta var jafn leikur, en ég held að við hefðum þurft að hafa heppnina aðeins meira með okkur í liði.“

Þá segir hann að orkustigið sem ÍR-ingar komu með í leikinn hafi verið gott, en mögulega hafi það einnig orðið liðinu að falli.

„Mögulega vorum við að keyra á of mikilli orku til að byrja með. Okkur vantaði meiri orku og þess vegna reyndi ég að skipta eins og ég gat og þeir þurftu að reyna að finna einhverja hvíld á milli. Það vantar leikmenn hjá okkur í kvöld og okkur vantaði eitthvað smá extra.“

„Í svona leik geta vítin skipt miklu máli og við klikkum á held ég fjórum í röð. Það skiptir miklu máli í svona leikjum.“

Að lokum segir Borche að ÍR-ingar muni að öllum líkindum bæta við sig leikmönnum fljótlega eftir jól.

„Við ætlum klárlega að sækja allavega einn leikmann. Einhvern sem kemur með ferskan blæ inn í liðið. Svo munum við auðvitað reyna að æfa vel yfir jólin, en við þurfum líka að hlaða batteríin, fara yfir leikina sem búnir eru og greina hvað við þurfum að gera betur,“ sagði Borche að lokum.