Þær þýsku of sterkar fyrir þær fær­eysku

Heimakonur í þýska landsliðinu hafa unnið alla leiki sína í keppninni og unnu tíu marka sigur á Færeyjum í kvöld, 36-26.

Liðin eru í milliriðli með Íslandi sem tapaði á móti Svartfjallalandi fyrr í kvöld og með Serbíu sem vann Spán.

Þýskaland er nú sex stig, tveimur stigum á undan Serbíu og Svartfjallalandi.

Færeysku stelpurnar bitu aðeins frá sér í upphafi leiks og voru með frumkvæðið framan af. Þýska liðið komst loks yfir í 9-8 og var síðan komið í 15-10 skömmu síðar. Þýskaland var síðan 20-14 yfir í hálfleik.

Færeyjar skoruðu tvö fyrstu mörk seinni hálfleiks og minnkuðu muninn niður í fjögur mörk en þá gáfu þær þýsku aftur í.