Formúla 1

Ferrari bílarnir í henglum og verða bara verri

Siggeir Ævarsson skrifar
Lewis Hamilton er ekki parsáttur við keppnisbíl Ferrari þetta tímabilið.
Lewis Hamilton er ekki parsáttur við keppnisbíl Ferrari þetta tímabilið. Greg Baker / AFP

Ökumenn Ferrari í Formúlu 1, þeir Lewis Hamilton og Charles Leclerc, hafa ekki náð í einn einasta sigur þetta tímabilið og þá hefur Hamilton ekki einu sinni náð á verðlaunapall en hann er afar ósáttur með gæði Ferrari bílsins þetta árið.

Þeir félagar enduðu í 13. og 17. sæti í sprettkeppninni en þegar Hamilton kom í mark heyrðist hann segja í talstöðina:

„Ég veit ekki hvernig, en okkur tókst að gera bílinn verri.“

Gæði Ferrari bílsins hafa ekki farið framhjá öðrum ökumönnum en eftir keppnina kom Pierre Gasly, ökumaður Alphine, til Hamilton og sagði við hann „Gaur, þið lítið hræðilega út“ og ekki stóð á svari hjá Hamilton: „Þú segir ekki, Sérlákur"

Keppnin í Formúlu 1 heldur áfram á morgun og keppnin í Katar verður í beinni útsendingu á Sýn Sport Viaplay frá 15:30. Það er ljóst að þeir félagar Hamilton og Leclerc eiga ærið verkefni fyrir höndum.




Fleiri fréttir

Sjá meira


×