Stjörnurnar skinu skært á sögu­legum sjón­varps­verð­launum

Verðlaun voru veitt fyrir sjónvarpsefni sem frumsýnt var á Sýn, Sjónvarpi Símans og Rúv á árunum 2023 og 2024. Tilnefnt var í 23 flokkum fyrir hvort ár, bæði fyrir mismunandi tegundir sjónvarps og ýmsar faggreinar þar undir.

Afturelding var ótvíræður sigurvegari kvöldsins með ellefu verðlaun. Húsó og Svörtu Sandar II hlutu fern verðlaun. Þá var Bannað að hlæja valið sjónvarpsefni ársins af áhorfendum 2024 en Afturelding 2023. 

Fylgst var með verðlaunahátíðinni í vaktinni á Vísi þar sem finna má yfirlit yfir alla verðlaunahafa.

Fjölmiðlafólkið Logi Bergmann og Björg Magnúsdóttir voru kynnar kvöldsins og sáu um að halda uppi stemningunni en um leið halda takti enda verið að veita verðlaun fyrir tvö ár. 

Ljósmyndarinn Mummi Lú var á svæðinu og tók skemmtilegar myndir af gestum og stemningunni, sem hægt er að skoða hér að neðan.