Tegundin sé lík­lega komin til að vera

Þetta kemur fram í skriflegu svari frá Matthíasi Alfreðssyni skordýrafræðingi við stofnunina til fréttastofu. Tilefnið eru tíðindi af því að moskító hafi fundist í Kjós.

„Þessi tegund hefur ekki fundist hér á landi áður. Culiseta annulata er frekar stór moskítófluga, algeng og útbreidd um alla Evrópu. Hún þrífst vel í köldu loftslagi. Erlendis þá finnst tegundin á öllum þroskastigum allt árið um kring,“ skrifar Matthías.

„Þær þiggja blóðmáltíð frá fuglum, mannfólki og öðrum spendýrum. Þessi tegund er ekki talin mjög alvarleg hvað varðar sjúkdóma en þær geta verið nokkuð pirrandi. Tegundin er líklega komin til að vera en við þurfum að fylgjast vel með og vakta þetta.“