„Rétturinn sem fjöl­skyldan þín mun elska og biðja um aftur og aftur“

Linda segir að rétturinn sé bæði nærandi fyrir líkama og sál og í miklu uppáhaldi hjá fjölskyldunni.

„Þegar þig langar í eitthvað djúsí, hlýlegt og saðsamt á köldum dögum, þá er þessi réttur algjörlega málið. Þetta er rétturinn sem fjölskyldan þín mun elska og biðja um aftur og aftur,“ skrifar Linda við færlsuna á Instagram-síðu sinni, þar sem hún sýnir einnig hvernig hún matreiðir réttinn.

Djúsí rjómalagaður kjúklingaréttur og hrísgrjón

Hráefni:

• 700 g úrbeinuð kjúklingalæri
• U.þ.b. 1 1/2 – 2 msk kjúklingakryddblanda
• 6 hvítlauksgeirar
• 1/2 laukur
• 1 rauð paprika
• 1 haus brokkolí
• 500 ml rjómi
• 1 kjúklingakraftur
• 190 g Sacla vegan tómat pestó
• 1 msk sojasósa
• 1/2 tsk oreganó
• 1/2 tsk pipar
• 2 1/2 dl hrísgrjón
• 500 ml vatn

Aðferð:

1. Kveikið á ofninum og stillið á 200°C, undir- og yfirhita.
2. Kryddið kjúklingalærin og steikið þau á pönnu þar til þau fá fallega gullna húð. Setjið í eldfast mót á meðan sósan er útbúin.
3. Skerið laukinn, paprikuna og brokkolíið, steikið á pönnunni sem kjúklingalærin voru steikt á, rífið niður hvítlauksrifin og steikið létt og hellið svo pestóinu og rjómanum út á pönnuna.
4. Bætið kjúklingakrafti, soja sósu, pipar og oreganó á pönnuna. Blandið öllu saman.
5. Hellið sósunni yfir kjúklingalærin og bakið inn í ofni í u.þ.b. 20 mín eða þar til lærin eru bökuð í gegn.
6. Setjið hrísgrjón og vatn í pott og sjóðið þar til mjúk í gegn.

Berið kjúklingaréttinn fram með hrísgrjónunum.