Bein út­sending: Daði Már mælir fyrir fjár­lögum næsta árs

Fjármálaráðherra kynnti efni fjárlagafrumvarpsins á mánudaginn en í þeim er gert ráð fyrir fimmtán milljarða króna halla á rekstri ríkissjóðs á næsta ári. Áður hafði verið gert ráð fyrir miklum mun meiri halla, upp á 26 milljarða króna. Daði Már hefur sagt það vera helstu áhersla fjárlaganna að ná niður vöxtum og að ná verðbólgumarkmiði með hagræðingu. Því séu boðuð aðhaldssöm fjárlög. Þingmenn stjórnarandstöðunnar hafa hins vegar haft uppi gagnrýni þar sem meðal annars eru gerðar athugasemdir við skattahækkanir og aðhaldsleysi í ríkisútgjöldum.

Fjárlögin eru fyrsta mál ríkisstjórnarinnar á dagskrá 157. löggjafarþings Alþingis og hefst þingfundur klukkan 10:30. Fyrsta umræða um fjárlögin eina málið á dagskrá fundarins. 

Hægt verður að fylgjast með umræðunni í beinni útsendingu á Vísi í spilaranum hér að neðan.