Þrjú hjól­hýsi „splundruðust“ á Holtavörðuheiðinni

Aðgerðum björgunarsveitarinnar lauk á sjöunda tímanum í kvöld samkvæmt tilkynningu frá Jóni Þór Víglundssyni, upplýsingafulltrúa Landsbjargar.

Meðal verkefna sveitarinnar var að aðstoða ferðamenn á mótorhjólum og reiðhjólum. Einnig aðstoðuðu þeir ferðafólk sem átti fellihýsi sem fauk upp auk eigenda þriggja hjólhýsa sem splundruðust í vindinum í dag.

Mikið brak er nú við veginn yfir heiðina líkt og sjá má í myndskeiðinu sem hér fylgir.

Þegar björgunarsveitafólkið sneri aftur heim eftir dagsverkið tóku þau einnig með sér niður af heiðinni reiðhjólamann sem var í vandræðum.